БИШКЕК, 18-дек. — Sputnik. Борбор калаада жолтандабас аялды сүзүп, андан ыргып жыгылганда экинчи унаа келип коюп кеткен. Бул туурасында Бишкектин Жол кыймылы коопсуздугун камсыздоо башкармалыгынын маалымат кызматы билдирди.
Ага ылайык, жол кырсыгы бүгүн, 18- декабарда кечки саат 19.00дөр чамасында Горький көчөсүндө болгон. Батыш тараптан келе жаткан Toyota Prado автоунаасы №99 кесиптик лицейдин жанынан аялды сүзгөн. Катуу соккудан аял каршы тилкеге ыргыганда чыгыш тараптан келе жаткан Mercedes-Benz машинасы да коюп кеткен.
Ал эми Тез жардам кызматы аталган даректеги кырсык тууралуу саат 19.17де чакыруу түшкөнүн билдирди. Жабырлануучу Бишкек травматология жана ортопедия илим изилдөө борборуна жеткирилген.
Тийиштүү экспертизалар дайындалып, унаалар айып коргоого киргизилди. Эки айдоочунун тең ичимдик ичкен-ичпегени текшерилүүдө.
