БИШКЕК, 1-июн. — Sputnik. Оманда нөшөрлөгөн жамгырдын кесепетинен сел жүрдү. Бул тууралуу The Daily Mail басылмасы жазып чыкты.
Маалыматка ылайык, Эль-Хархир, Таблотен жана Умм аль-Мелх райондорунда катуу жаан жааган. Жаратылыш кырсыгынан жети адам көз жумган. Андан сырткары, 500дөн ашык үй-бүлө башка аймактарга көчүрүлгөн.
Араб жарым аралында мындай өзгөчө кырдаал акыркы жыйырма жылдан бери байкалган эмес.
