БИШКЕК, 6-июл. — Sputnik. 5-июлда Кыргызстандын көк бөрү федерациясынын кезексиз съезди өттү. Анын жыйынтыгында федерациянын жаңы президенти болуп Жыргалбек Саматов шайланды. Бул тууралуу федерациянын маалымат кызматы билдирди.
Ага ылайык, федерациянын буга чейинки президенти Икрамжан Илмиянов үй-бүлөлүк шартына жана ден соолугуна байланыштуу өз ыктыяры менен кызматтан кетүүнү чечкен.
Съездге 7 облустан жана Бишкек менен Ош шаарларынан жалпы 77 делегат катышкан.
Жыргалбек Саматов 6-чакырылыштын экс-депутаты, ал соттун чечими менен мандатынан ажыратылган. Депутат кош жарандуулугу бар деп айыпталган болчу.
