БИШКЕК, 10-мар. — Sputnik. Голливуд актрисасы жана ырчы Женнифер Лопес төртүнчү ирет турмушка чыкканы жатат. Лопес сүйүктүүсү, америкалык бейсболчу Алекс Родригес белек кылган нике шакектин сүрөтүн өзүнүн Instagram баракчасына жарыялады.
Спортчу дагы ушул эле сүрөттү өз баракчасына жүктөп, "ал макул болду" деп жазды.
6 Бирдин айы 2019, 23:35
Бирок азырынча үлпөт тойдун боло турган күнү белгилене элек. Батыш ЖМКларынын жазганына караганда, түгөйлөр 14 жыл мурда таанышканы менен сүйүү мамилеси 2017-жылдын кыш мезгилинен тарта гана башталган.
Лопес буга чейин үч ирет турмушка чыгып, ырчы Марк Энтониден эгиз балалуу болгон. Родригестин мурдагы никесинен эки кызы бар.
