Бишкек шаарынын тазалыгы бир гана "Тазалык" ишканасынын колунда эмес. Бул тууралуу Ильяс Жолоев Sputnik Кыргызстан радиосунун "Ачык кеп" программасында маек куруп жатып билдирди.
Анын айтымында, шаардагы таштандылар өз маалында жыйналып тазаланып жатат.
"Ар бирибиз эле үйүбүз чачылса жыйнап, таза кармаганга аракет кылабыз. Ошол сыңары эле борбор калаабыз Бишкекти да таза шаар деген атка кондуруу шаар тургундарынын колунда. Шаардын таза болушу бир гана "Тазалык" муниципалдык ишканасынан көз каранды эмес. Бул маселе ар бир шаар тургунуна, келген конокторго да тиешелүү. 4-5 жыл мурда таштанды ташталды деген маалыматтар абдан көп эле. Азыркы учурда таштандылар өз маалында жыйналууда", — деди Жолоев.
Ал көчө шыпыргычтар 10-15 миң сомдун тегерегинде айлык маяна аларын кошумчалады.
