БИШКЕК, 19-июн. — Sputnik. Борбор калаада "Жаркын Бишкек" сынагы жарыяланды. Баш байге — Toyota Camry 50 унаасы. Бул тууралуу мэриянын маалымат кызматынан кабарлашты.
"Жаркын Бишкек" долбоору — бул Бишкекти жакшыртууга багытталган иш-чаралардын сериясы.
Долбоордун шарт-талабы: бардык демөөрчүлөрдүн Instagram тармагындагы баракчасына жазылуу, төрт ишембиликтин бирине катышуу. Бонус катары ишембиликтерде сынактар уюштурулуп, байгелер берилет.
Долбоор 13-июлда Дайыр Асанов атындагы Жеңиш паркында аяктайт.
Келген жарандарга концерттик программа уюштурулуп, фестивалдан топтолгон каражаттын бир бөлүгү муктаж адамдарга берилет. Ошондой эле Toyota Camry 50 үлгүсүндөгү унаа ойнотулат.
Сынактын шарттары тууралуу толугураак маалыматты жана ишембиликтер өтө турган жерлерди тактоо үчүн (0707) 50-06-00, (0703) 82-71-02 номерлерине кайрылыңыздар.
