Үй-бүлөсү:
Атасы Аскар Акаев белгилүү окумуштуу, академик, физика-математика илимдеринин доктору, 1990-2005-жылдары Кыргызстанды башкарган. Энеси Майрам Акаева — профессор, машина жана механизм жаатында адис. Айдар, Илим, Саадат аттуу бир туугандары бар.
1998-жылы Казакстан жараны Адил Тойгонбаевге турмушка чыгып, уулдуу болушкан.
Билими:
1989 — Бишкектеги №61 физика-математика мектебин аяктаган;
1993 — Москвадагы мамлекеттик университеттин эсептөө математикасы жана кибернетика факультетин аяктаган;
1994 — Швейцариянын Лозанна шаарындагы бизнес мектепте магистратурасын бүтүргөн.
Ишмердүүлүгү:
1994-жылдан тарта Бириккен Улуттар Уюмунда эмгектенген;
2000-жылдан баштап Швейцариянын "Intracom General Machinery S.A" компаниясында иштеген;
2003-2005 — "Ага-хан" фондунда координатор;
2005-жылы март айында Жогорку Кеңештин III чакырылышына депутат болуп шайланган. Төңкөрүштөн кийин, май айында Борбордук шайлоо комиссиясы Акаеваны депутаттык мандатынан ажыраткан.
Китептери:
2004-жылы кыргыз-орус тилдеринде балдар үчүн "Мен жана менин мекеним" аталышындагы китеби жарык көргөн. Ал "Кыргызстан — менин мекеним", "Кыргызстандын ыйык жерлери", "Бабалардын салттары", "Манасчы" жана "Баатыр" деп аталган беш томдон турат.
2019-жылы март айында атасы Аскар Акаев менен биргеликте "Кыргызстандын өнүгүүсүн илгерилетүү стратегиясы" аттуу китебин жарыкка чыгарган.
Билген тилдери: орус, англис жана француз.
Маалыматтар интернеттеги ачык булактардан алынды.
