https://sputnik.kg/20240112/aksh-britaniya-yemen-sokku-1081896053.html
Песков: АКШ менен Улуу Британиянын Йеменге сокку урууга укугу жок
Песков: АКШ менен Улуу Британиянын Йеменге сокку урууга укугу жок
Sputnik Кыргызстан
Жума күнгө караган түнү АКШ менен Улуу Британия Йемендин төрт провинциясындагы объектилерге авиасокку жасаган. 12.01.2024, Sputnik Кыргызстан
2024-01-12T19:06+0600
2024-01-12T19:06+0600
2024-01-14T13:09+0600
йемен
акш
япония
москва
кеме
сокку
буу
резолюция
дүйнөдө
россия
https://sputnik.kg/img/07e8/01/0c/1081893902_0:148:3072:1876_1920x0_80_0_0_2adb511e419bd367396260fa51375b5d.jpg
БИШКЕК, 12-янв. — Sputnik. Россия АКШ менен Улуу Британиянын Йеменге жасаган соккусун айыптайт. Бул тууралуу РФ президентинин маалымат катчысы Дмитрий Песков билдиргенин РИА Новости жазды.Песков эл аралык укук боюнча соккулар легитимсиз жана Кремль дагы ушундай позицияны кармана турганын белгиледи.Бүгүн БУУнун Коопсуздук кызматы хуситтерден кемелерге кол салууну тезинен токтотууну талап кылган АКШ менен Япониянын резолюциясын кабыл алды. Лондон менен Вашингтон Россиянын текстке өзгөртүү киргизүүсүнө каршы чыгышкан. Москва бул резолюциянын жобосу эл аралык укуктук нормаларга жаңы эрежелерди киргизбейт деген пунктуну кошуп коюуну сунуштаган. Россиянын БУУдагы өкүлү Василий Небензя АКШ документти кабыл алдыруу менен коалициянын Кызыл деңиздеги аракеттерин мыйзамдаштырууга аракет кылып жатканын билдирди.Кызыл деңиздеги абалдын курчушуНоябрь айынын орто ченинде Йемендин түндүгүндө бийлик жүргүзгөн шииттердин "Ансар Алла" аскердик куралдуу кыймылы Газа секторундагы палестиналыктарды колдоо белгиси катары Кызыл деңиздеги Израиль менен байланышы бар кемелердин бардыгына кол сала турганын айткан.19-ноябрда хуситтер ичинде 22 экипажы (17си филиппиндиктер) бар Galaxy Leader танкерин басып алышкан. "Ансар Алла" бул кеме Багам аралдарынын желеги менен жүрүп, япониялык компания тарабынан башкарыларын, бирок ага израилдик ири бизнесмен ээлик кыларын белгилеген. Хуситтер, мындан тышкары, бир нече кемеге учкучсуз учуучу аппараттар менен сокку урушкан.АКШ Кызыл деңиздеги кемелерди коргоо үчүн дагы 10 мамлекет менен операция жүргүзө турганын жарыялаган. Ал эми "Ансар Алла" бул коалицияга мүчө болуп кирген мамлекеттердин кемелерине дагы кол сала турганын айтып коркуткан. Кызыл деңизде хуситтер менен америкалык аскерлердин бир нече ирет кагылышуусу дагы болгон.Жума күнгө караган түнү АКШ менен Улуу Британия "Ансар Алла" кыймылына каршы операцияны баштап, Йемендин төрт провинциясындагы объектилерге авиасокку жасаган. Президент Жо Байден операцияны кеме коопсуздугуна жаралган коркунучка карата жооп деп билдирген.
https://sputnik.kg/20240105/aksh-zhakynky-chygyshtagy-sogushka-dayardanuuda-1081756832.html
йемен
акш
япония
москва
кызыл деңиз
Sputnik Кыргызстан
media@sputniknews.com
+74956456601
MIA „Rossiya Segodnya“
2024
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
йемен, акш, япония, москва, кеме, сокку, буу, резолюция, дүйнөдө, россия, кызыл деңиз
йемен, акш, япония, москва, кеме, сокку, буу, резолюция, дүйнөдө, россия, кызыл деңиз
Песков: АКШ менен Улуу Британиянын Йеменге сокку урууга укугу жок
19:06 12.01.2024 (Жаңыртылды: 13:09 14.01.2024) Жума күнгө караган түнү АКШ менен Улуу Британия Йемендин төрт провинциясындагы объектилерге авиасокку жасаган.
БИШКЕК, 12-янв. — Sputnik. Россия АКШ менен Улуу Британиянын Йеменге жасаган соккусун айыптайт. Бул тууралуу РФ президентинин маалымат катчысы Дмитрий Песков билдиргенин
РИА Новости жазды.
"Биз аларды айыптайбыз. Сиздер билесиздер, резолюция кабыл алынып, биз аны колдоодон карманганбыз. Сокку урган мамлекеттер өзүнүн аракеттерин актоо үчүн эл аралык укуктук негизди өздөрүнө ылайыктоого аракет жасашты. Бирок анысы ийгилик алып келген жок. Анткени кабыл алынган резолюция сокку урууга эч кандай укук бербейт", — деди ал.
Песков эл аралык укук боюнча соккулар легитимсиз жана Кремль дагы ушундай позицияны кармана турганын белгиледи.
Бүгүн БУУнун Коопсуздук кызматы хуситтерден кемелерге кол салууну тезинен токтотууну талап кылган АКШ менен Япониянын резолюциясын кабыл алды. Лондон менен Вашингтон Россиянын текстке өзгөртүү киргизүүсүнө каршы чыгышкан. Москва бул резолюциянын жобосу эл аралык укуктук нормаларга жаңы эрежелерди киргизбейт деген пунктуну кошуп коюуну сунуштаган. Россиянын БУУдагы өкүлү Василий Небензя АКШ документти кабыл алдыруу менен коалициянын Кызыл деңиздеги аракеттерин мыйзамдаштырууга аракет кылып жатканын билдирди.
Кызыл деңиздеги абалдын курчушу
Ноябрь айынын орто ченинде Йемендин түндүгүндө бийлик жүргүзгөн шииттердин "Ансар Алла" аскердик куралдуу кыймылы Газа секторундагы палестиналыктарды колдоо белгиси катары Кызыл деңиздеги Израиль менен байланышы бар кемелердин бардыгына кол сала турганын айткан.
19-ноябрда хуситтер ичинде 22 экипажы (17си филиппиндиктер) бар Galaxy Leader танкерин басып алышкан. "Ансар Алла" бул кеме Багам аралдарынын желеги менен жүрүп, япониялык компания тарабынан башкарыларын, бирок ага израилдик ири бизнесмен ээлик кыларын белгилеген. Хуситтер, мындан тышкары, бир нече кемеге учкучсуз учуучу аппараттар менен сокку урушкан.
АКШ Кызыл деңиздеги кемелерди коргоо үчүн дагы 10 мамлекет менен операция жүргүзө турганын жарыялаган. Ал эми "Ансар Алла" бул коалицияга мүчө болуп кирген мамлекеттердин кемелерине дагы кол сала турганын айтып коркуткан. Кызыл деңизде хуситтер менен америкалык аскерлердин бир нече ирет кагылышуусу дагы болгон.
Жума күнгө караган түнү АКШ менен Улуу Британия "Ансар Алла" кыймылына каршы операцияны баштап, Йемендин төрт провинциясындагы объектилерге авиасокку жасаган. Президент Жо Байден операцияны кеме коопсуздугуна жаралган коркунучка карата жооп деп билдирген.
