https://sputnik.kg/20250318/mektepte-isht-azapka-aylandy-agynan-zharylgan-mugalimge-biylik-zhoop-kaytardy-1092706608.html
"Мектепте иштөө азапка айланды". Агынан жарылган мугалимге бийлик жооп кайтарды
"Мектепте иштөө азапка айланды". Агынан жарылган мугалимге бийлик жооп кайтарды
Sputnik Кыргызстан
БИШКЕК, 18-мар. — Sputnik. 23 жылдык тажрыйбасы бар мугалим Венера Бектурсунова билим берүү жана илим министри Догдуркүл Кендирбаевага ачык кайрылуу жолдоду. 18.03.2025, Sputnik Кыргызстан
2025-03-18T12:03+0600
2025-03-18T12:03+0600
2025-03-18T12:08+0600
кыргызстан
бишкек
мугалим
министр
билим берүү
https://sputnik.kg/img/07e7/0c/14/1081392798_292:559:2938:2048_1920x0_80_0_0_477381dc0b30c4954c7fdd8329179dae.jpg
БИШКЕК, 18-мар. — Sputnik. 23 жылдык тажрыйбасы бар мугалим Венера Бектурсунова билим берүү жана илим министри Догдуркүл Кендирбаевага ачык кайрылуу жолдоду.Ал мугалимдерге ашыкча иштер жүктөлүп, текшерүү, отчет жаздыруу күчөп, түшүнүксүз талаптар коюлуп жатканын соцбаракчасына жазган.Ал текшерүүлөрдү токтотууну жана тынч иштөөгө шарт түзүүнү талап кылып, министрди мугалимдерди коргоого чакырды. Педагог бул кайрылуусу үчүн жумуштан айдалышы мүмкүн экенин, бирок мындан ары чыдоого алы жоктугун кошумчалаган."Жогору жактан билим берүүнү жок кылуу буйругу берилип, Кендирбаева ошол жол менен бараткандай сезилет", — деп жыйынтыктаган ал.Бул кайрылууга министрлер кабинетинин төрагасынын орун басары Эдил Байсалов жооп берип, министр Кендирбаева мугалимдер үчүн күрөшүп жатканын белгиледи.Ал эми Билим берүү жана илим министрлигинин мектеп, мектептен тышкаркы жана кошумча билим берүү башкармалыгынын башчысы Бакыт Козуев мугалимге ыраазычылык билдирип, ачык диалогго чакырды."Билим берүү жана илим министрлиги мектептерде ашыкча текшерүүлөрдү жүргүзбөйт. Эгер тез-тез текшерүүлөр болуп жатса кайсы уюмдардан, кандай негизде экенин так билдириңиз, биз чара көрөбүз. Сизди эч ким жоопко тартпайт, диалогго ачыкпыз", — деп жазды ал.Ошондой эле ал министрлик мугалимдердин административдик жүгүн азайтуу жана жумуш шарттарын жакшыртуу боюнча иш жүргүзөрүн убада кылды.
https://sputnik.kg/20250312/kyrgyzstan-nadira-narmatova-gimnaziya-1092585622.html
бишкек
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, бишкек, мугалим, министр, билим берүү
кыргызстан, бишкек, мугалим, министр, билим берүү
БИШКЕК, 18-мар. — Sputnik. 23 жылдык тажрыйбасы бар мугалим Венера Бектурсунова билим берүү жана илим министри Догдуркүл Кендирбаевага ачык кайрылуу жолдоду.
Ал мугалимдерге ашыкча иштер жүктөлүп, текшерүү, отчет жаздыруу күчөп, түшүнүксүз талаптар коюлуп жатканын соцбаракчасына жазган.
"Мектепке баруу азапка айланды. Чыгармачылыкка убакыт жок, биз форма текшерип, документ толтуруп, комиссия күтүп отурабыз. Окуучуга "2" койсоң "жакшы окуткан эмессиң" деп мугалим күнөөлүү болот. Ушундан улам "үч" деген бааны коюп, унчукпай калабыз. Биз да адамбыз, үй-бүлөбүз, жеке жашообуз бар", — деп жазды Бектурсунова.
Ал текшерүүлөрдү токтотууну жана тынч иштөөгө шарт түзүүнү талап кылып, министрди мугалимдерди коргоого чакырды. Педагог бул кайрылуусу үчүн жумуштан айдалышы мүмкүн экенин, бирок мындан ары чыдоого алы жоктугун кошумчалаган.
"Жогору жактан билим берүүнү жок кылуу буйругу берилип, Кендирбаева ошол жол менен бараткандай сезилет", — деп жыйынтыктаган ал.
Бул кайрылууга министрлер кабинетинин төрагасынын орун басары Эдил Байсалов жооп берип, министр Кендирбаева мугалимдер үчүн күрөшүп жатканын белгиледи.
"Догдуркүл Шаршеевна өзү мугалим, жакын арада кереги жок нерселердин баарын жок кылууга аракет кылууда. Мунун баарына жакында ынанасыздар", — деген Байсалов.
Ал эми Билим берүү жана илим министрлигинин мектеп, мектептен тышкаркы жана кошумча билим берүү башкармалыгынын башчысы Бакыт Козуев мугалимге ыраазычылык билдирип, ачык диалогго чакырды.
"Билим берүү жана илим министрлиги мектептерде ашыкча текшерүүлөрдү жүргүзбөйт. Эгер тез-тез текшерүүлөр болуп жатса кайсы уюмдардан, кандай негизде экенин так билдириңиз, биз чара көрөбүз. Сизди эч ким жоопко тартпайт, диалогго ачыкпыз", — деп жазды ал.
Ошондой эле ал министрлик мугалимдердин административдик жүгүн азайтуу жана жумуш шарттарын жакшыртуу боюнча иш жүргүзөрүн убада кылды.
