https://sputnik.kg/20250320/kiev-tynchtyk-demilgelerin-uzgultukko-uchuratuuga-araket-kylyp-zhatat-1092778293.html
РФ ТИМи: Киев тынчтык демилгелерин үзгүлтүккө учуратууга аракет кылып жатат
РФ ТИМи: Киев тынчтык демилгелерин үзгүлтүккө учуратууга аракет кылып жатат
Sputnik Кыргызстан
БИШКЕК, 20-мар. — Sputnik. Украинанын Россидагы энергетикалык инфраструктура объектилерине жасаган чабуулу — тынчтык демилгелерин үзгүлтүккө учуратууга... 20.03.2025, Sputnik Кыргызстан
2025-03-20T19:42+0600
2025-03-20T19:42+0600
2025-03-21T15:19+0600
дүйнөдө
россия
акш
украина
сокку
энергетика
владимир зеленский
мария захарова
россиянын донбассты коргоо боюнча атайын операциясы
https://sputnik.kg/img/07e9/02/07/1091916669_0:160:3072:1888_1920x0_80_0_0_42f28d1c82b00fda8eff9cfe6e319f65.jpg
БИШКЕК, 20-мар. — Sputnik. Украинанын Россидагы энергетикалык инфраструктура объектилерине жасаган чабуулу — тынчтык демилгелерин үзгүлтүккө учуратууга багытталган чагым. Бул тууралуу РФ ТИМинин расмий өкүлү Мария Захарова брифингде билдиргенин РИА Новости жазды. Ал 19-март күнү киев режими Краснодар крайындагы объектиге учкучсуз учуучу аппарат менен атайылап чабуул жасаганын белгиледи. Натыйжада нефть резервуарынын биринде басым төмөндөп, 1700 чарчы метр аянтта өрт чыккан.Дипломат АКШ эми чындап кырдаалды жөнгө салуунун жана аны саясий-дипломатиялык жол менен чечүүгө багытталган аракеттердин негизги шарты чет жактан көрсөтүлгөн жардамды токтотуу жана чалгын маалыматтары менен бөлүшпөө экенине ынанышы керек деген пикирде."Киев бул кадамы менен тынчтык орнотууга жана жаңжалды дипломатиялык жол менен чечүүгө саясий эрки жетпей турганын далилдеди. Россияга сокку уруп жеңем деген сокур кыялга жетеленип, жарандык инфраструктурага да, карапайым калкка да ылгабай террордук ыкмаларды колдонуп жатат", — деди ТИМ өкүлү.Эскерте кетсек, Россия президенти Владимир Путин 18-март күнү АКШ лидери Дональд Трамп менен телефондон сүйлөшкөн. Кремлдин маалыматы боюнча, талкуу учурунда Трамп эки тараптын тең энергетикалык объектилерге чабуул коюусун 30 күнгө чейин токтотууну сунуштаган. Путин буга дароо макул болуп, ошол замат тийиштүү адамдарга буйрук берген. Эки лидердин сүйлөшүүсүнөн кийин Владимир Зеленский Украина энергетикалык инфраструктурага соккуларды токтотууну колдой турганын айткан болчу. Бирок эртеси эле РФ Коргоо министрлиги киев режими Путин менен Трамптын сүйлөшүүсүнөн бир нече саат өткөн соң Кубандагы нефть базасына чабуул койгонун билдирген. Россия президентинин маалымат катчысы Дмитрий Песковдун айтымында, Киевдин ок атууну токтотуу ниети жок.
https://sputnik.kg/20250320/rossiya-menen-aksh-delegaciyalary-zholugushuu-1092776871.html
акш
украина
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, россия, акш, украина, сокку, энергетика, владимир зеленский, мария захарова
дүйнөдө, россия, акш, украина, сокку, энергетика, владимир зеленский, мария захарова
БИШКЕК, 20-мар. — Sputnik. Украинанын Россидагы энергетикалык инфраструктура объектилерине жасаган чабуулу — тынчтык демилгелерин үзгүлтүккө учуратууга багытталган чагым. Бул тууралуу РФ ТИМинин расмий өкүлү Мария Захарова брифингде билдиргенин
РИА Новости жазды.
Ал 19-март күнү киев режими Краснодар крайындагы объектиге учкучсуз учуучу аппарат менен атайылап чабуул жасаганын белгиледи. Натыйжада нефть резервуарынын биринде басым төмөндөп, 1700 чарчы метр аянтта өрт чыккан.
"Бул – киев режиминин ошол эле АКШ президенти сунуштаган тынчтык демилгелерин үзгүлтүккө учуратууга багытталган чагымы. Зеленский кайрадан жетишилген макулдашууларды бузуп, эпке келүүгө жөндөмсүз экенин көрсөттү", — деген Захарова.
Дипломат АКШ эми чындап кырдаалды жөнгө салуунун жана аны саясий-дипломатиялык жол менен чечүүгө багытталган аракеттердин негизги шарты чет жактан көрсөтүлгөн жардамды токтотуу жана чалгын маалыматтары менен бөлүшпөө экенине ынанышы керек деген пикирде.
"Киев бул кадамы менен тынчтык орнотууга жана жаңжалды дипломатиялык жол менен чечүүгө саясий эрки жетпей турганын далилдеди. Россияга сокку уруп жеңем деген сокур кыялга жетеленип, жарандык инфраструктурага да, карапайым калкка да ылгабай террордук ыкмаларды колдонуп жатат", — деди ТИМ өкүлү.
Эскерте кетсек, Россия президенти Владимир Путин 18-март күнү АКШ лидери Дональд Трамп менен
телефондон сүйлөшкөн. Кремлдин маалыматы боюнча, талкуу учурунда Трамп эки тараптын тең энергетикалык объектилерге чабуул коюусун 30 күнгө чейин токтотууну сунуштаган. Путин буга дароо макул болуп, ошол замат тийиштүү адамдарга буйрук берген. Эки лидердин сүйлөшүүсүнөн кийин Владимир Зеленский Украина энергетикалык инфраструктурага соккуларды токтотууну колдой турганын айткан болчу. Бирок эртеси эле РФ Коргоо министрлиги киев режими Путин менен Трамптын сүйлөшүүсүнөн бир нече саат өткөн соң Кубандагы нефть базасына чабуул койгонун билдирген. Россия президентинин маалымат катчысы Дмитрий Песковдун айтымында, Киевдин ок атууну токтотуу ниети жок.
