https://sputnik.kg/20250322/kazak-jarkynbaev-kyrgyzstandan-chykkan-sovetter-soyuzunun-baatyry-1092794074.html
Казак Жаркынбаев — Кыргызстандан чыккан Советтер Союзунун Баатыры
Казак Жаркынбаев — Кыргызстандан чыккан Советтер Союзунун Баатыры
Sputnik Кыргызстан
Sputnik Улуу Ата Мекендик согуштагы Жеңиштин 80 жылдыгына карата майданда эрдик көрсөтүп Баатыр наамы ыйгарылган, Кыргызстандан чыккан каарман адамдар тууралуу... 22.03.2025, Sputnik Кыргызстан
2025-03-22T21:51+0600
2025-03-22T21:51+0600
2025-03-25T10:49+0600
улуу ата мекендик согуштагы жеңишке 80 жыл
ссср
улуу ата мекендик согуш
улуу жеңиш
баатыр
наам
кыргызстан
https://sputnik.kg/img/07e9/03/14/1092774651_0:132:720:537_1920x0_80_0_0_54137816921432ee119f02484c9b3eea.png
Кенже сержант Казак ЖаркынбаевАл 1911-жылы 10-ноябрда Ысык-Көл облусунун Таштак (азыр Жаркынбаев деп аталат) айылында дыйкандын үй-бүлөсүндө жарык дүйнөгө келген. Баштапкы билим алгандан кийин колхоздо иштеген.1941-жылы июлда Жумушчу-дыйкандардын Кызыл армиясына чакырылат. Согушка 1944-жылдан тарта кирет. Апрелде кенже сержант 2-Украин фронтунун 5-гвардиялык армиясынын 95-гвардиялык аткычтар дивизиясындагы 287-гвардиялык аткычтар полкунун наводчиги (артиллериялык куралды бутага багыттаган жана аны так атуу үчүн жөндөгөн жоокер) болгон.1944-жылы 16-апрелде Жаркынбаев өзүнүн замбирекчилер бригадасы менен Бутор кыштагынын жанында Днестр суусунан өтүп баратканда өзгөчөлөнгөн. Бул Молдава ССРинин Григориопольск району эле. Душмандар артиллерия, авиациянын колдоосу менен контрчабуулга өткөндө анын мизин кайтарууга жигердүүлүк менен киришкен. Замбирек иштен чыккандан кийин пулемет менен аткылоону улантып, эки взвод аскер, офицерлерди жок кылган. Жаркынбавдин бул аракети плацдармды кармап турууга шарт түзгөн.СССРдин Жогорку Кеңешинин президиумунун жарлыгы менен 1945-жылы 24-мартта "немецтик-фашисттик баскынчылар менен кармашта командачылыктын согуштук тапшырмаларын үлгүлүү аткаргандыгы жана эрдиги, каармандыгы үчүн кенже сержант Казак Жаркынбаевге Советтер Союзунун Баатыры наамы ыйгарылып, Ленин ордени, Кызыл Жылдыз медалы менен сыйланат.Согуш аяктагандан кийин Жаркынбаев мекенине кайтып келип бригадир, башкарма, МТСте чарба башчысы болуп иштеген.1969-жылы 10-июлда дүйнө салып, Ысык-Көлдүн Кароо-Дөбө айылында жерге берилет. Баатырдын ысымын өзү туулган айылга жана көчөгө беришкен.Материал ачык маалыматтардын, КР Куралдуу күчтөрүнүн жана "Герои страны" сайтындагы материалдардын негизинде жазылды.Маалымат үчүн: Улуу Ата Мекендик согуш 1 418 күнгө созулган. Согуш жылдарында СССР 26,6 миллион адамынан ажыраган. Алардын ичинен 8,7 миллиондон ашууну согуш талаасында курман болгон, 7,42 миллион адам оккупацияланган аймактарда фашисттер тарабынан атайылап жок кылынган. 4,1 миллиондон ашыгы оккупациялык режимдин катаал шарттарынан көз жумган.Кыргыз ССРинен Улуу Ата Мекендик согушка 365 миң адам катышып, 152 миңден ашууну курман болгон. Калганы ар кайсы жылдары кайтып келген. Бул кандуу кагылыштарда тайманбастыгы, баатырдыгы үчүн 150 миңдей командир жана жоокерлер орден-медалдар менен сыйланган, 21 кыргызстандыкка Даңк орденинин толук кавалери, ал эми 70тен ашуун жараныбызга эң жогорку — Советтер Союзунун Баатыры наамы ыйгарылган. Булардын ичинде биз жогоруда сөз кылган Казак Жаркынбаев да бар.
https://sputnik.kg/20250318/dair-asanov-kyrgyzstandan-chykkan-sovetter-soyuzunun-baatyry-1092714749.html
ссср
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
ссср, улуу ата мекендик согуш, улуу жеңиш, баатыр, наам, кыргызстан
ссср, улуу ата мекендик согуш, улуу жеңиш, баатыр, наам, кыргызстан
Казак Жаркынбаев — Кыргызстандан чыккан Советтер Союзунун Баатыры
21:51 22.03.2025 (Жаңыртылды: 10:49 25.03.2025) Sputnik Улуу Ата Мекендик согуштагы Жеңиштин 80 жылдыгына карата майданда эрдик көрсөтүп Баатыр наамы ыйгарылган, Кыргызстандан чыккан каарман адамдар тууралуу баяндоосун улантат.
Кенже сержант Казак Жаркынбаев
Ал 1911-жылы 10-ноябрда Ысык-Көл облусунун Таштак (азыр Жаркынбаев деп аталат) айылында дыйкандын үй-бүлөсүндө жарык дүйнөгө келген. Баштапкы билим алгандан кийин колхоздо иштеген.
1941-жылы июлда Жумушчу-дыйкандардын Кызыл армиясына чакырылат. Согушка 1944-жылдан тарта кирет. Апрелде кенже сержант 2-Украин фронтунун 5-гвардиялык армиясынын 95-гвардиялык аткычтар дивизиясындагы 287-гвардиялык аткычтар полкунун наводчиги (артиллериялык куралды бутага багыттаган жана аны так атуу үчүн жөндөгөн жоокер) болгон.
1944-жылы 16-апрелде Жаркынбаев өзүнүн замбирекчилер бригадасы менен Бутор кыштагынын жанында Днестр суусунан өтүп баратканда өзгөчөлөнгөн. Бул Молдава ССРинин Григориопольск району эле. Душмандар артиллерия, авиациянын колдоосу менен контрчабуулга өткөндө анын мизин кайтарууга жигердүүлүк менен киришкен. Замбирек иштен чыккандан кийин пулемет менен аткылоону улантып, эки взвод аскер, офицерлерди жок кылган. Жаркынбавдин бул аракети плацдармды кармап турууга шарт түзгөн.
СССРдин Жогорку Кеңешинин президиумунун жарлыгы менен 1945-жылы 24-мартта "немецтик-фашисттик баскынчылар менен кармашта командачылыктын согуштук тапшырмаларын үлгүлүү аткаргандыгы жана эрдиги, каармандыгы үчүн кенже сержант Казак Жаркынбаевге Советтер Союзунун Баатыры наамы ыйгарылып, Ленин ордени, Кызыл Жылдыз медалы менен сыйланат.
Согуш аяктагандан кийин Жаркынбаев мекенине кайтып келип бригадир, башкарма, МТСте чарба башчысы болуп иштеген.
1969-жылы 10-июлда дүйнө салып, Ысык-Көлдүн Кароо-Дөбө айылында жерге берилет. Баатырдын ысымын өзү туулган айылга жана көчөгө беришкен.
Материал ачык маалыматтардын, КР Куралдуу күчтөрүнүн жана "Герои страны" сайтындагы материалдардын негизинде жазылды.
Маалымат үчүн: Улуу Ата Мекендик согуш 1 418 күнгө созулган. Согуш жылдарында СССР 26,6 миллион адамынан ажыраган. Алардын ичинен 8,7 миллиондон ашууну согуш талаасында курман болгон, 7,42 миллион адам оккупацияланган аймактарда фашисттер тарабынан атайылап жок кылынган. 4,1 миллиондон ашыгы оккупациялык режимдин катаал шарттарынан көз жумган.
Кыргыз ССРинен Улуу Ата Мекендик согушка 365 миң адам катышып, 152 миңден ашууну курман болгон. Калганы ар кайсы жылдары кайтып келген. Бул кандуу кагылыштарда тайманбастыгы, баатырдыгы үчүн 150 миңдей командир жана жоокерлер орден-медалдар менен сыйланган, 21 кыргызстандыкка Даңк орденинин толук кавалери, ал эми 70тен ашуун жараныбызга эң жогорку — Советтер Союзунун Баатыры наамы ыйгарылган. Булардын ичинде биз жогоруда сөз кылган Казак Жаркынбаев да бар.
