БИШКЕК, 8-дек — Sputnik. Президент Алмазбек Атамбаев "Катар Мамлекетинде Кыргыз Республикасынын Элчилигин түзүү жөнүндө" Жарлыкка кол койду. Бул туурасында президенттин маалыматтык саясат бөлүмүнөн маалымдашты.
Элчилик Катар мамлекети менен саясий, соода-экономикалык, илимий-техникалык жана маданий байланыштарын андан ары өнүктүрүүгө көмөктөшүү максатында ачылууда.
КРдин Катар мамлекетиндеги элчилиги Доха шаарында жайгашмакчы. Өкмөт дипломатиялык жаңы өкүлчүлүктү түзүүдөгү каржылык маселелерди карап жатат.
Учурда президент Алмазбек Атамбаев расмий иш сапар менен Катар мамлекетинде жүрөт.
