БИШКЕК, 4 июнь — Sputnik. Министрлер коргоо жаатында кызматташуу тууралуу бир пикирге келишип, кадрларды биргеликте даярдоо чечимин кабыл алышканын КР Куралдуу күчтөрүнүн Башкы штабы билдирет.
2-4-июнь күндөрү Чолпон-Ата шаарында КМШга мүчө мамлекеттердин Коргоо министрлер кеңешинин отуруму болуп өттү.
Катышуучулар 2016-жылга карата иш планын карап, анда эл аралык аскер оюндарын, "Жоокер шериктештиги-2015" машыгууларын, курсанттардын олимпиадасын өткөрүү ж.б., маселерди аныкталды.
Отурум жыйынтыгы менен 16 документке кол коюлду. Жыйында каралган маселелер Шериктештик аймагындагы мындан аркы аскердик кызматташууну өнүктүрүүгө багытталган.
4-июнда Тажикстандын борбору Дүйшөмбү шаарында ЖККУ коргоо министрлер кеңешинин отуруму өз ишин баштады. Кыргыз делегациясын КР Коргоо министри Абибилла Кудайбердиев жетектөөдө.
