БИШКЕК, 17-авг. — Sputnik. Бишкектин Ак-Бата, Келечек, Ала-Тоо, Ак-Ордо жаңы конуштарынын аймагында үйлөргө ууруга кирип жүргөн эки жаран кармалганын Бишкек ШИИБ билдирет.
Маалыматка ылайык, үстүбүздөгү жылдын 15-августунда такси айдоочусу белгисиз адамдар аны тапанча менен коркутуп, уюлдук телефонун жана 5300 сом акчасын алып кеткени туурасында арыз менен кайрылган.
Иликтөө иштеринин натыйжасында Бишкек шаарында жашаган жалал-абаддык 22 жаштагы эки жаран кармалган. Тергөө учурунда аталган жарандар мындан башка жаңы конуштардагы үйлөргө сегиз жолу уурулукка баргандарын моюнга алышты.
Учурда уурдалган буюмдар алынып, иликтөө жүрүп жатат.
