БИШКЕК, 3-сен. — Sputnik. Дүйнөлүк ири YouTube видеохостинги 2015-жылдын аягына чейин акы төлөп жазылуу системасын ишке киргизүүнү пландап жатат деп жазат The Verge интернет-басылмасы.
Биринчи кезекте мындай кызмат жакшы контент жасаган ири компанияларга багытталган. Алар өз видеолорун акы төлөгөн гана колдонуучуларга сунуштай алат. Мындай ыкма менен алар жарнамалардан эмес, колдонуучулардын эсебинен акча таба алышат деп жазат басылма.
Акы төлөгөн колдонуучулар видеолорду жарнамасы жок көргөндөн тышкары, аларды интернетке туташпай туруп да көрө алат.
Буга чейин YouTube Music Key деген акылуу музыкалык кызматынын бета-версиясын ишке киргизген.
Бүгүнкү күнү YouTube каналын колдонгондордун саны миллиард кишиден ашат.
