БИШКЕК, 23-окт. — Sputik. АКШнын президенти Барак Обама, мурдатан күткөндөй эле, бейшемби күнү өлкөнүн 2016-жылга карата коргоо бюджетинин долбооруна вето койду деп айтылат Ак үйдүн билдирүүсүндө.
Мурдараак бул документти конгресстин эки палатасы тең кабыл алып, бирок мамлекет башчысы ага кол койбой турганын дароо айткан. Анын себеби, бюджеттин долбоорунда келерки жыл үчүн аскердик чыгымдарды конгресстеги эки партиянын ортосунда кененирээк бюджеттик келишим түзүүсүз эле 90 миллиард долларга жакын көбөйтүү каралган.
Мыйзам долбоорунда жалпы аскердик чыгымдар үчүн белгиленген 612 миллиард доллардын 300 миллионун Украинага жардам көрсөтүү үчүн бөлүү каралган. Мындай жардамга курал-жарак, ок-дары, танкка каршы курал жана минометтор, ошондой эле чалгындоо иштери үчүн жерден башкарылуучу учактар кирмек. Бул каражаттар кандайча сарптала турганын Пентагон менен АКШнын мамлекеттик деппаратменти бирге чечиши керек.
