БИШКЕК, 28-сен. – Sputnik. Жети-Өгүз районунун Ак-Дөбө, Оргочор айыл аймактарында катуу жааган мөндүрдүн кесепетинен турак-жайлардын чатырчалары жараксыз абалга келип, жашылча-жемиштер зыянга учурган. Бул тууралуу Өзгөчө кырдаалдар министрлигинин басма сөз кызматы маалымдады.
Жарандык коргонуу комиссиясы Ак-Дөбө айыл аймагында 297 турак үйдүн, 181 чарбалык курулуштун шифери жараксыз абалга келгени аныкталган. Анын ичинде Тилекмат айлындагы орто мектептин чатыры, "Бактылуу балалык" бала бакчасы зыян тарткан.
Жалпысынан Ак-Дөбө, Оргочор айыл аймактарында 12 тоннага жакын картошка,10 тоннадай алма мөндүрдө калган.
