БИШКЕК, 16-ноя. — Sputnik. Кыргызстандын президенти Алмазбек Атамбаев 17-ноябрда Санкт-Петербург шаарында Россия башчысы Владимир Путин менен жолугат. Бул тууралуу Кремлдин маалымат кызматы кабарлады.
Атамбаев Россияга болгон иш-сапарынын алкагында VI Санкт-Петербург эл аралык маданий форумуна катышат.
"Өлкө башчылары ар тармактагы орус-кыргыз мамилелерин бышыктаган көп жылдык конструктивдүү кызматташтыктын жыйынтыктарын талкуулашат",- деп жазылат маалыматта.
Кремль Алмазбек Атамбаевдин Кыргызстан менен Россиянын ортосундагы стратегиялык өнөктөштүктү алдыга жылдыруу үчүн кошкон жеке салымын жогору баалай турганы маалыматта белгиленген.
