БИШКЕК, 28-фев. — Sputnik. Идлибде Сириянын өкмөттүк армиянын соккусуна кабылган түркиялык аскерий адамдар ал жерде болбошу керек эле. Бул тууралуу Россиянын Коргоо министрлиги билдиргенин РИА Новости жазды.
Маалымат боюнча 27-февраль күнү "Хайят Тахрир аш-Шам" террордук тобу Бехун калктуу конушунун аймагында жайгашкан Сирия армиясына чабуул жасоого аракет кылган. Өкмөттүк күчтөр жооп берип, сокку алдында Түркиянын "террордук түзүлүштөрдүн катарында жүргөн" аскерлери да кабылган.
Бирок Түркия тараптын маалыматы боюнча, аталган аймакта түрк армиясынын бир да бөлүгү болбошу керек эле.
Түркиянын аскерлери жабыркаганы боюнча маалымат тарары менен Россия тарап ок атууну токтотуп, каза болгондор менен жаракат алгандарды Түркиянын аймагына эвакуациялоо үчүн чараларды көргөн.
"Россиянын аба-космос авиациясы Бехун пунктунда пайдаланылган жок", — деп айтылат министрлик тараткан маалыматта.
Түркиянын бийликтеги Акыйкат жана өнүгүү партиясынын маалымат катчысы Омер Челик болгон окуяны БУУга "кол салуу" деп баалап, альянс менен консультациялар жүрө турганын билдирди.
Идлибдеги абалдын курчушу
Январь айынын соңунда Сирия армиясы террорчулар орун-очок алып, эл жашаган кварталдарды аткылаган террорчулар байырлаган Идлиб менен Алеппо провинцияларына чабуул баштаган. Бир айдын ичинде 600 чарчы чакырым жерди, Маарет-Нууман шаарын жана М5 (Дамаск — Алеппо) трассасын бошотууга жетишкен.
Өткөн аптада Эрдоган Россия менен сүйлөшүүдөн Анкара эч натыйжа ала электигин айтып, Идлибде аскерий операция баштай турганын айтып коркуткан. Ал эми Россия лидеринин маалымат катчысы Дмитрий Песков бул эң начар сценарий экенин айткан болчу.
