https://sputnik.kg/20250314/hamit-gadelshin---kyrgyzstandan-chykkan-sovetter-soyuzunun-baatyry-1092644617.html
Хамит Гадельшин — Кыргызстандан чыккан Советтер Союзунун Баатыры
Хамит Гадельшин — Кыргызстандан чыккан Советтер Союзунун Баатыры
Sputnik Кыргызстан
Sputnik Улуу Ата Мекендик согуштагы Жеңиштин 80 жылдыгына карата майданда эрдик көрсөтүп Баатыр наамы ыйгарылган, Кыргызстандан чыккан каарман адамдар тууралуу... 14.03.2025, Sputnik Кыргызстан
2025-03-14T20:05+0600
2025-03-14T20:05+0600
2025-03-18T09:24+0600
ссср
улуу ата мекендик согуштагы жеңишке 80 жыл
кыргызстан
улуу ата мекендик согуш
эрдик
фрунзе
окутуучу
хамит гадельшин
https://sputnik.kg/img/07e9/02/18/1092261052_0:351:1600:1251_1920x0_80_0_0_06e7868e429cf0d7ad267e14b46b94d6.jpg
Ал 1923-жылы 10-июлда Башкыр АССРиндеги Аитово айылында (башка маалыматтарда Вахит же Вахитов) дыйкандын үй-бүлөсүндө туулган.1936-жылы Гадельшиндердин үй-бүлөсү Кыргыз ССРиндеги Кеңеш айылына көчүп келет, Хамит мектепти ошол жерден аяктайт. Согуштун алдында Фрунзе (азыркы Бишкек) шаарындагы Финансы-экономикалык техникумга кирет. Жумушчу-дыйкандардын Кызыл армиясында кызмат өтөөгө Фрунзе шаардык аскер комиссариаты тарабынан чакырылат. Ал эми 1941-жылы августта радиотелеграфисттердин курсуна кирет.Гадельшин 1941-жылдын октябрында Түштүк фронтко жиберилет. Согушка биринчи ирет Таганрогдун алдында кирет. Ноябрда Кызыл Армиянын Ростов-на-Дону шаарынын алдындагы контрчабуулга катышып, андан кийин Түштүк-Батыш, Закавказье, Түндүк-Кавказ фронтторунда кармашат. Андан сырткары, душмандын тылына кирген чалгын тобунун курамында болот.1943-жылдын августунан баштап сержант Степной фронутунун 46-армиясынын 31-аткычтар дивизиясынын 1449-өзүнчө байланышчылар ротасынын курамында кызмат өтөгөн. Денпрден кечип өткөндө каармандыгы менен өзгөчөлөнгөн. 1943-жылдын августунун соңунда, сентябрь келип калган чакта аталган фронт Полтава-Кременчуг операциясы менен Днепрге чыккан. 27-сентябрга караган түнү Гадельшин 75-аткычтар полкунун алдыңкы бөлүктөрү менен Сошиновка кыштагынын жанынан дарыяны (Украинанын Верхнеднепров району) кечип өтүшкөн.Гадельшин түшкөн оң жээкке жакын сүзүп бараткан кайык чөгүп кетип, ал эми адис рацияны сактап калган да, полкту 13 саат бою үзгүлтүксүз дивизиянын штабы менен байланыштырып турган. Сержант андан кийин Аул плацдармындагы согушка катышкан.1944-жылдын 22-февралында СССРдин Жогорку Советинин президиумунун жарлыгы менен Советтер Союзунун Баатыры наамы берилген. Ал согуштагы сапарын Чехословакиядагы чабуул койгон Морав-Остров операциясына катышуу менен аяктаган. 1944-жылы Алтын Жылдыз медалы, 1945-жылы Ленин ордени, Каармандыгы үчүн, 1985-жылы Ата Мекендик согуштун 1-даражадагы медалы менен сыйланган.Согуштан кийин Германиядагы советтик аскерлердин курамында кызматын уланткан. Андан кийин Ленинграддагы байланыш боюнча аскердик инженердик училищеден жана Семен Будённый атындагы байланыш академиясынан билим алган. Окуу жайды аяктаган соң Житомирдеги байланыш боюнча жогорку училищеде сабак берип, кафедраны жетектеген.1969-жылы запастагы полковник Гадельшин Фрунзе шаарында жашап, №27 кесиптик-техникалык училищеде аскер иштери, андан соң техникумда байланыш боюнча сабак берген. Ал 2000-жылы 10-январда көз жумган.Материал ачык маалыматтардын, КР Куралдуу күчтөрүнүн жана "Герои страны" сайтындагы материалдардын негизинде жазылды.
https://sputnik.kg/20250313/ivan-gavrish--kyrgyzstandan-chykkan-sovetter-soyuzunun-baatyry-1092616020.html
ссср
фрунзе
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
ссср, кыргызстан, улуу ата мекендик согуш, эрдик, фрунзе, окутуучу, хамит гадельшин
ссср, кыргызстан, улуу ата мекендик согуш, эрдик, фрунзе, окутуучу, хамит гадельшин
Хамит Гадельшин — Кыргызстандан чыккан Советтер Союзунун Баатыры
20:05 14.03.2025 (Жаңыртылды: 09:24 18.03.2025) Sputnik Улуу Ата Мекендик согуштагы Жеңиштин 80 жылдыгына карата майданда эрдик көрсөтүп Баатыр наамы ыйгарылган, Кыргызстандан чыккан каарман адамдар тууралуу баяндоосун улантат.
Ал 1923-жылы 10-июлда Башкыр АССРиндеги Аитово айылында (башка маалыматтарда Вахит же Вахитов) дыйкандын үй-бүлөсүндө туулган.
1936-жылы Гадельшиндердин үй-бүлөсү Кыргыз ССРиндеги Кеңеш айылына көчүп келет, Хамит мектепти ошол жерден аяктайт. Согуштун алдында Фрунзе (азыркы Бишкек) шаарындагы Финансы-экономикалык техникумга кирет. Жумушчу-дыйкандардын Кызыл армиясында кызмат өтөөгө Фрунзе шаардык аскер комиссариаты тарабынан чакырылат. Ал эми 1941-жылы августта радиотелеграфисттердин курсуна кирет.
Гадельшин 1941-жылдын октябрында Түштүк фронтко жиберилет. Согушка биринчи ирет Таганрогдун алдында кирет. Ноябрда Кызыл Армиянын Ростов-на-Дону шаарынын алдындагы контрчабуулга катышып, андан кийин Түштүк-Батыш, Закавказье, Түндүк-Кавказ фронтторунда кармашат. Андан сырткары, душмандын тылына кирген чалгын тобунун курамында болот.
1943-жылдын августунан баштап сержант Степной фронутунун 46-армиясынын 31-аткычтар дивизиясынын 1449-өзүнчө байланышчылар ротасынын курамында кызмат өтөгөн. Денпрден кечип өткөндө каармандыгы менен өзгөчөлөнгөн. 1943-жылдын августунун соңунда, сентябрь келип калган чакта аталган фронт Полтава-Кременчуг операциясы менен Днепрге чыккан. 27-сентябрга караган түнү Гадельшин 75-аткычтар полкунун алдыңкы бөлүктөрү менен Сошиновка кыштагынын жанынан дарыяны (Украинанын Верхнеднепров району) кечип өтүшкөн.
Гадельшин түшкөн оң жээкке жакын сүзүп бараткан кайык чөгүп кетип, ал эми адис рацияны сактап калган да, полкту 13 саат бою үзгүлтүксүз дивизиянын штабы менен байланыштырып турган. Сержант андан кийин Аул плацдармындагы согушка катышкан.
1944-жылдын 22-февралында СССРдин Жогорку Советинин президиумунун жарлыгы менен Советтер Союзунун Баатыры наамы берилген. Ал согуштагы сапарын Чехословакиядагы чабуул койгон Морав-Остров операциясына катышуу менен аяктаган. 1944-жылы Алтын Жылдыз медалы, 1945-жылы Ленин ордени, Каармандыгы үчүн, 1985-жылы Ата Мекендик согуштун 1-даражадагы медалы менен сыйланган.
Согуштан кийин Германиядагы советтик аскерлердин курамында кызматын уланткан. Андан кийин Ленинграддагы байланыш боюнча аскердик инженердик училищеден жана Семен Будённый атындагы байланыш академиясынан билим алган. Окуу жайды аяктаган соң Житомирдеги байланыш боюнча жогорку училищеде сабак берип, кафедраны жетектеген.
1969-жылы запастагы полковник Гадельшин Фрунзе шаарында жашап, №27 кесиптик-техникалык училищеде аскер иштери, андан соң техникумда байланыш боюнча сабак берген. Ал 2000-жылы 10-январда көз жумган.
Материал ачык маалыматтардын, КР Куралдуу күчтөрүнүн жана "
Герои страны" сайтындагы материалдардын негизинде жазылды.
