БИШКЕК, 9-ноя. — Sputnik. Азия MIX" командасы КВНдин Жогорку лигасынын финалына чыга албай калды. Бул тууралуу КВНдин расмий сайтында маалымдалды.
Ишемби күнү Москва шаарынын мэринин Кубогу ойнотулуп, анын жеңүүчүсү Жогорку лиганын финалына чыгууга жолдомо алды. Ал жолдомону алууга "Азия MIX" командасы менен чогуу дагы 5 команда беттешти. Алар: "Горизонт" (Москва), "Спарта" (Астана, Казакстан), Дагестандын курама командасы, "Саратов жана "Плохая компания" (Красноярский край, Россия).
"Саламдашуудан кийин Бишкектин командасы "Плохая компания" жана Дагестандын курама командасы калыстардын эң жогорку баасына татып, 5 упайдан алды. Бирок, "капитандардын конкурсунан" кийин үчүнчү орунга түшүп калды. Алар ошентип "Спарта" (Астана, Казакстан) менен Дагестандын курама командасына утулуп калды.
Москва шаарынын мэринин Кубогун Дагестандын курамасы утуп алып, КВНдин Жогорку лигасына катышууга жолдомо алышты. Андан сырткары "Спарта" командасы да финалга чыгуу укугуна ээ болду.
Москва мэринин Кубогу биринчи жолу 2012-жылы Сергей Собянин менен Александр Масляковдун сунушу менен өткөрүлгөн.
