БИШКЕК, 24-дек. — Sputnik. Бүгүн Калый Молдобасанов атындагы Кыргыз улуттук консерваториясында үч атайын мекемеде тарбияланган 200 бала үчүн кайрымдуулук концерти өтө турганын иш-чаранын координатору Аида Ширинова билдирди.
Маалыматка ылайык, концертке "Жал" кичи районунда жайгашкан балдардын социалдык адаптациялашуу борборунун, "Учкун" балдар үйүнүн жана кароосуз калган балдардын реабилитация борборунан жеткинчектер чакырылган.
Иш-чарада ар кыл сынактар жана викториналар менен бирге көрүнүктүү эстрада жана фольклордук ырчылардын өнөрлөрү тартууланат.
Уюштуруучулардын айтымында, акция өзгөчө муктаждыктагы балдарга коомчулуктун көңүлүн буруу болуп саналат.
Концерт саат 14.00дө башталат.
