БИШКЕК, 6-июн. — Sputnik. Бишкек шаарынын Фучик көчөсүндө бензин ташыган автоунаа жарылганын Sputnik Кыргызстан агенттигинин WhatsApp номери аркылуу күбө билдирди.
Шаардык өрт өчүрүү кызматы Фучик көчөсүндө өрт болуп жатканы боюнча билдирүү келип түшкөнүн тастыктап, кырсык болгон жерде бригада иштеп жатканын билдирди.
"Жарылуулар азыркыга чейин уланып жатат. Катуу үндөр угулууда", — деди күбө.
Окуя болгон жерге Тез жардам кызматынын бригадасы чыгып кеткенин аталган кызмат билдирди.
Эгер сиз кайсы
бир окуяга күбө болуп, сүрөткө же видеого тартып алган болсоңуз, маалыматты биздин +996 706 566 544 WhatsApp номерибизге жөнөтсөңүз болот.
