БИШКЕК, 22-сен. — Sputnik. Аукциондо 666ААА унаа номери 44 миң сомго сатылды. Бул тууралуу аукцион жүргүзгөн сайтта айтылат.
Онлайн-сатуу 21-сентябрда башталган."121" сыяктуу кооз унаа номерлери аукциону жок сатыкка коюлат. Ал эми өзгөчө комбинациялуу номерлер Кыргызстанда биринчи жолу онлайн-аукцион аркылуу сатылып жатат. Буга чейин 01 KG 111AAA унаа номери 160 миң сомго сатылды. Ал эми ушул эле комбинациясы менен 333 номери 76 миң сомго сатылды. 555AAA унаа номери буга чейин 110 миң сомго сатылып кеткен. Бардык номерлердин регионалдык саны "01" — Бишкек.
666 саны бар комбинациялуу номер үчүн эки адам ат салышкан. Бул номердин баштапкы баасы 40 миңге барабар болчу.
666 — "жырткыч сан" деп дагы айтылып келет.
