БИШКЕК, 29-ноя. — Sputnik. Былтыр Кыргызстанда кылмыш кылгандардын басымдуу бөлүгүн 29 жаштан жогорку курактагы жарандар түзгөн. Бул тууралуу Улуттук статистика комитетинен билдиришти.
4 Жетинин айы 2020, 16:24
Маалыматка караганда, жалпы кылмыш кылгандардын 65 пайызынын жашы бул курактан (29) жогоркулар. Андан кийинки орунда 18-24 жаштын (16 пайызы) ортосундагылар. Ал эми 25-28 жашында кылмыш кылган жарандар 13 пайызды түзөт.
Калганы жашы жете электе, тагыраагы, 14-17 жашында мыйзам бузган жаш балдар.
Аял-эркекке бөлүп карай турган болсок, күнөөсү сотто аныкталгандардын 82,5 пайызы эркектер.
Жасалган бардык кылмыштардын жарымынан көбү каракчылык, тоноо жана уурулукка туура келет.
