https://sputnik.kg/20250310/1092549078.html
Василий Беляндра — Кыргызстандан чыккан Советтер Союзунун Баатыры
Василий Беляндра — Кыргызстандан чыккан Советтер Союзунун Баатыры
Sputnik Кыргызстан
Улуу Ата Мекендик согуштагы Жеңиштин 80 жылдыгына карата майданда эрдик көрсөтүп, Баатыр наамы ыйгарылган кезектеги кыргызстандык тууралуу баян. 10.03.2025, Sputnik Кыргызстан
2025-03-10T20:05+0600
2025-03-10T20:05+0600
2025-03-10T20:05+0600
улуу ата мекендик согуштагы жеңишке 80 жыл
ссср
улуу ата мекендик согуш
эрдик
эскерүү
василий беляндра
https://sputnik.kg/img/07e9/03/0a/1092549200_0:193:688:580_1920x0_80_0_0_a42d12679aba37a26f8564b89fefed71.png
Лейтенант Василий Беляндра 1945-жылы 5-январда Досовка (Казакстан, Костанай облусу, Денисов району) айылында дыйкандын үй-бүлөсүндө туулган. 1930-жылдан тарта Кемин районунун Боролдой айылында (Кыргызстан) жашап, баштапкы билим алып, андан кийин темир уста болуп, комбайн айдап эмгектенген.1941-жылдын августунда Жумушчу-дыйкандардын Кызыл армиясына чакырылган. Ушул эле жылы сентябрдан тарта Улуу Ата Мекендик согушка кирет. Сталинград салгылашына катышып, жаракат алат. 1943-жылы Беляндра кенже лейтенанттар курсун аяктап, Воронеж фронтунун 3-танкалык армиясынын 7-гвардиялык танкалык корпусунун 23-гвардиялык мотоаткычтар бригадасынын 3-мотоаткычтар батальонунун взводуна жетекчилик кылат. Днепрди кечип өтүүдө каармандыгы менен өзгөчөлөнгөн.22-сентябрга караган түнү душмандын пулемет, минометтон жааган огуна, артиллериялык аткылоосуна карабай Беляндра куралдаштары менен кошо Днепр дайрасын кечип өткөн. Киев облусунун Канаев районундагы Трахтемиров кыштагын бошотуп, ал жердеги плацдармын бекемдеген. Душман аларга бир нече контрчабуул жасаган. 28-29-сентябрда эле Беляндранын взводу каршы тараптын мизин жети ирет кайтарып, "Тигр" танкасынан экини жараксыз кылып, өзү жүрүүчү куралдарын жана эки ротага чукул жөө аскерлерин жок кылган.СССРдин Жогорку Кеңешинин президиумунун жарлыгы менен 1943-жылдын 17-ноябрында "немецтик-фашисттик баскынчылар менен кармашта командачылыктын согуштук тапшырмаларын үлгүлүү аткаргандыгы жана эрдиги, каармандыгы үчүн" кенже лейтенант Василий Беляндрага Советтер Союзунун Баатыры наамы, Ленин ордени, Алтын Жылдыз медалы ыйгарылат.Аны менен катар эле кийинчерээк Кызыл Туу, Александр Невский, Ата Мекендик согуштун 1-даражасы, эки Кызыл Жылдыз ордени жана бир топ медаль менен сыйланган. Лейтенант чини менен запаска бошонот да, согушка аттанган айылы Боролдойго аман-эсен кайтып келет. Айылдагы МТСте механик болуп иштейт.Баатыр 1967-жылы 12-мартта көз жумган. Василий Беляндранын атын Кыргызстандын Боролдой жана Быстровка айылдарындагы көчөлөргө ыйгарышкан.Материал ачык маалыматтардын, КР Куралдуу күчтөрүнүн жана "Герои страны" сайтындагы материалдардын негизинде жазылды.
https://sputnik.kg/20250306/dmitriy-panfilov-kyrgyzstandan-chykkan-sovetter-soyuzunun-baatyry-1092481337.html
ссср
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
ссср, улуу ата мекендик согуш, эрдик, эскерүү, василий беляндра
ссср, улуу ата мекендик согуш, эрдик, эскерүү, василий беляндра
Василий Беляндра — Кыргызстандан чыккан Советтер Союзунун Баатыры
Улуу Ата Мекендик согуштагы Жеңиштин 80 жылдыгына карата майданда эрдик көрсөтүп, Баатыр наамы ыйгарылган кезектеги кыргызстандык тууралуу баян.
Лейтенант Василий Беляндра 1945-жылы 5-январда Досовка (Казакстан, Костанай облусу, Денисов району) айылында дыйкандын үй-бүлөсүндө туулган. 1930-жылдан тарта Кемин районунун Боролдой айылында (Кыргызстан) жашап, баштапкы билим алып, андан кийин темир уста болуп, комбайн айдап эмгектенген.
1941-жылдын августунда Жумушчу-дыйкандардын Кызыл армиясына чакырылган. Ушул эле жылы сентябрдан тарта Улуу Ата Мекендик согушка кирет. Сталинград салгылашына катышып, жаракат алат. 1943-жылы Беляндра кенже лейтенанттар курсун аяктап, Воронеж фронтунун 3-танкалык армиясынын 7-гвардиялык танкалык корпусунун 23-гвардиялык мотоаткычтар бригадасынын 3-мотоаткычтар батальонунун взводуна жетекчилик кылат. Днепрди кечип өтүүдө каармандыгы менен өзгөчөлөнгөн.
22-сентябрга караган түнү душмандын пулемет, минометтон жааган огуна, артиллериялык аткылоосуна карабай Беляндра куралдаштары менен кошо Днепр дайрасын кечип өткөн. Киев облусунун Канаев районундагы Трахтемиров кыштагын бошотуп, ал жердеги плацдармын бекемдеген. Душман аларга бир нече контрчабуул жасаган. 28-29-сентябрда эле Беляндранын взводу каршы тараптын мизин жети ирет кайтарып, "Тигр" танкасынан экини жараксыз кылып, өзү жүрүүчү куралдарын жана эки ротага чукул жөө аскерлерин жок кылган.
СССРдин Жогорку Кеңешинин президиумунун жарлыгы менен 1943-жылдын 17-ноябрында "немецтик-фашисттик баскынчылар менен кармашта командачылыктын согуштук тапшырмаларын үлгүлүү аткаргандыгы жана эрдиги, каармандыгы үчүн" кенже лейтенант Василий Беляндрага Советтер Союзунун Баатыры наамы, Ленин ордени, Алтын Жылдыз медалы ыйгарылат.
Аны менен катар эле кийинчерээк Кызыл Туу, Александр Невский, Ата Мекендик согуштун 1-даражасы, эки Кызыл Жылдыз ордени жана бир топ медаль менен сыйланган. Лейтенант чини менен запаска бошонот да, согушка аттанган айылы Боролдойго аман-эсен кайтып келет. Айылдагы МТСте механик болуп иштейт.
Баатыр 1967-жылы 12-мартта көз жумган. Василий Беляндранын атын Кыргызстандын Боролдой жана Быстровка айылдарындагы көчөлөргө ыйгарышкан.
Материал ачык маалыматтардын, КР Куралдуу күчтөрүнүн жана "Герои страны" сайтындагы материалдардын негизинде жазылды.
