БИШКЕК, 14-мар — Sputnik. Кыргызстандын президенти дүйшөмбүдө, 16-мартта, РФ президенти Владимир Путин менен Санкт-Петербургда жолугат деп билдирди Кремлден.
"Жогорку деңгээлдеги сүйлөшүүлөрдө мындан аркы кыргыз-орус кызматташуусу, анын ичинде соода-инвестициялык жана маданий-гуманитардык, энергетика тармагындагы мамилелерди бекемдөө талкууланат", — деп айтылат билдирүүдө.
Андан сырткары эки өлкөнүн ЕАЭБдин алкагындагы өз ара кызматташуусу боюнча пикир алышуулар жүрөт деп айтылат таратылган маалыматта.
