Италиядагы көргөзмө үстүбүздөгү жылдын 1-майынан 31-октябрга чейин уланат.
КР Соода-өнөр жай палатасынан билдиришкендей, роликтин негизги идеясы – Кыргызстандын табиятынын көркөмүн, туристтик мүмкүнчүлүгүн, маданиятын жана өзгөчөлүгүн көрсөтүү.
Буга чейин кыргыз өкмөтү Соода-өнөр жай палатасын "Экспо-2015" көргөзмөсүндө Кыргызстан павильонунун Улуттук операторлугуна, ал эми мекеменин жетекчиси Марат Шаршекеевди кыргыз павильону боюнча жооптуу комиссары болуп дайындаган.
Видеоролик жумушчу тобу менен биргеликте Соода-өнөр жай палатасы тарабынан даярдалып, Кыргызстандагы Германия экономикасынын күндөрүндө, шаршемби күнү тартууланды.
