БИШКЕК, 29-май — Sputnik. Жогорку Кеңештин депутаты Шаршенбек Абдыкеримов Улуттук олимпиада комитетин жетектегенин аталган комитеттин башкы катчысы Канат Аманкулов билдирди.
Улуттук олимпиада комитетинин уставына ылайык, мекеменин президенти Олимпиадалык оюндар өткөндөн кийин төрт жылда бирден шайланат. Комитеттин буга чейинки президенти Мурат Саралиновдун каза болгонуна байланыштуу шайлоо мөөнөтүнөн мурда болду.
Абдыкеримов аталган кызматка жалгыз талапкер болду. Анын талапкерлиги үчүн Улуттук олимпиада комитетиндеги 37 мүчөсү бир добуштан колдошту. Комитетте жалпысынан 44 мүчө бар.
Абдыкеримов депутаттык кызматы менен Улуттук олимпиада комитетинин президентинин милдетин чогуу алып кетет.
