БИШКЕК, 10-июнь — Sputnik. Бүгүн, 10-июнда улуу жазуучу, адабияттын алпы, Кыргыз Эл Баатыры Чыңгыз Айтматов эскерилип, Ата-Бейит мемориалдык комплексиндеги маркумдун сөөгү жаткан жайга гүл коюлуп, Куран окулат.
Жазуучуну эскерүүгө коомдук ишмерлер, акын-жазуучулар, окумуштуулар, анын талантын урматтаган жарандар катышат.
Мындан жети жыл мурда, 2008-жылы Чыңгыз Айтматов Германиянын Нюрнберг шаарындагы клиникалардын биринде оорудан каза болуп, 13-июнда Кыргызстанда "Ата-Бейит" мемориалдык комплексинде жерге берилген.
