БИШКЕК, 22-июль — Sputnik. Биринчи вице-премьер-министр Тайырбек Сарпашев эки күндүк иш сапары менен Нарын жана Талас облустарына барарын өкмөттүн маалымат кызматы кабарлайт.
Билдирүүгө ылайык, Сарпашев иш сапарынын алкагында аталган облустарда биометрикалык маалымат чогултуунун экинчи баскычын текшерет.
22-июлда биринчи вице-премьер Жумгал жана Кочкор райондорунун активи менен жолугат. Андан соң Нарын шаарында Ат-Башы, Нарын, Ак-Талаа райондорунун тургундары менен талкуу жүргүзөт.
23-июлла Сарпашев Талас облусунда бардык райондун жашоочулары менен жолугуп, биометрикалык маалымат чогултуунун экинчи баскычын жандандыруу жана шайлоочулардын тизмесин түзүү маселелерин талкуулайт.
Бүгүнкү күндө Кыргызстанда биометрикалык маалымат тапшырган жарандардын саны 2 миллион 570 миңге жетти. Биометрикалык маалымат чогултуу жараяны ушу жылдын 1-августунда аяктайт.
