БИШКЕК, 27-июль — Sputnik. Чолпон-Ата шаарында президент Алмазбек Атамбаев өлкөдөгү журналисттер, саясат талдоочулар жана белгилүү медиа эксперттер менен жолугушуусу эки саат созулду. Бул туурасында президенттин маалымат кызматы билдирди.
Президент бул жолугушууда быйылкы саясий жылдын жыйынтыктары, кыргыз-америкалык мамилелердин азыркы абалы, кыргыз-орус кызматташтыгынын келечеги, аймактагы геосаясаттык кырдаал жөнүндө өз оюн билдирген.
Андан сырткары, мамлекет башчысы коррупция жана экстремизм менен күрөшүү, алдыдагы парламенттик шайлоо, Евразия экономикалык биримдигине кошулганга байланыштуу чек аралардын ачылышы тууралуу суроолорго жооп берди.
