БИШКЕК, 7-авг — Sputnik. Ысык-Ата районунун Ново-Покровка айылынын жашоочусу чоң энесин жана эжесин өлтүргөн деп шектелип жатат. Бул туурасында Чүй облустук Ички иштер башкы башкармалыгынын маалымат кызматы билдирди.
Маалыматта Ысык-Ата райондук Ички иштер бөлүмүнө үй-бүлөлүк чыр болуп жаткандыгы туурасында кабар келип түшкөн. Чакыруу түшкөн жерге барган милиция кызматкерлери короодон мыкаачылык менен өлтүрүлгөн, 74 жаштагы казакстандык пенсионердин денесин тапкан.
Райондук Ички иштер бөлүмү бул боюнча кылмыш ишин козгоп, учурда кылмышка 79 жаштагы өлгөн кемпирдин 27 жаштагы небересин шектүү деп жатат.
Шектелүүчү 2015-жылдын июлунан бери Кемин районундагы Чым-Коргон психиатриалык ооруканада каттоодо турган жана аталган жайдан чоң энесиникине убактылуу келген.
Кылмыш иши боюнча сот-дактилоскопиялык, медициналык, биологиялык экспертиза дайындалып, иликтөө иштери жүрүп жатат.
