Премьер-министр Темир Сариев 24-августта ички иштер министри Мелис Турганбаев жана Жол кайгуул кызматынын башчысы Сергей Дьяченкону кабыл алып, интернетке тараган Ош шаардык Ички иштер башкармалыгынын жол кайгуул кызматкерлери катышкан окуя боюнча жыйын курду.
Жыйында премьер-министр жол кайгуул кызматкерлери катышкан тасма коомдук резонанс жаратканын билдирип, кызматкерлердин мындай жүрүш-турушу бүтүндөй Ички иштер министрлигинин системасынын кадыр-баркына доо кетиргенин айтты.
"Бул акылга сыйбаган көрүнүш. Ал өзүн эле беделин түшүрбөстөн, ички иштер министрлигинин бардык системасынын баркын кетирди. Ал ички иштер министрлигинин бардык системасынын баркын кетирди. Кылган аракеттери үчүн үч кызматкерди кызматынан алуу аздык кылат деп эсептейм", — деди Сариев.
Аталган видеоролик боюнча өкмөт башчы тийиштүү кызматтык текшерүү жүргүзүү үчүн комиссия түзүүнү тапшырды.
