БИШКЕК, 22-сен. — Sputnik. Казакстандын борбору — Астана Евразиялык экономикалык биримдиктин финансылык борбору боло турганын Россиянын Мамлекеттик Думасынын төрагасынын кеңешчиси Михаил Кротов Бишкекте өтүп жаткан "Евразия интгерациясындагы жаштардын ролу" аттуу форумунда билдирди.
Анын айтымында, бирдиктүү финансылык борбор түзүү — учурдун талабы.
"Финансылык борбор Астана шаарында түзүлөт. Азырынча анын банк болору же башка бир мекеме катары иш алып барары белгисиз", — деди Кротов.
Иш-чара "ЕАЭБ: аймак аралык кызматташуунун келечеги" аттуу IV кыргыз-россиялык конференциянын алкагында өтүп жатат.
Форумда Кротовдон тышкары КР эмгек, миграция жана жаштар министринин орун басары Алмаз Асанбаев, Билим берүү жана илим министрлигинин эл аралык департаментинин директору Николай Тайвонен жана башкалар сөз сүйлөшүүдө.
