БИШКЕК, 23-сен. — Sputnik. Чүй облусунда маунтинбайк (тоо велоспорту) боюнча ачык мелдеш өтө турганын R-Bikers тоо велоспорту федерациясынын маалымат кызматы билдирди.
Down Hill жана Free Ride дисциплиналары боюнча мелдеш 27-сентябрда "Кашка-Суу" тоо лыжа базасында өтөт.
Катышуучулар "Сүйүүчүлөр" жана "Элита" деген топторго бөлүнөт. Учурда Кыргызстандан жана Казакстандан 30дан ашык спортчу каттоодон өттү.
