БИШКЕК, 4-окт. — Sputnik. Малайзиянын Куала-Лумпур шаарындагы КРдин элчилигинин имаратында ачылган шайлоо участогунда добуш берүү башталды.
"Шайлоо участогу ачылгандан кийин 35 мүнөт ичинде 12 адам келип добуш берди", — деп билдиришти элчиликтен.
Бүгүн аталган элчиликте ачылган шайлоо участогунда жалпысы болуп 62 адам добуш берет.
Кыргызстанда эртең мененки саат 08.00дө өлкө аймагындагы 2 миң 374 шайлоо участкалары ачылып иштей баштады.
Шайлоого биометрикалык маалыматтарын тапшырган 2 миллион 761 миң 269 шайлоочу катышат. Бул шайлоодо 14 саясий партия ат салышууда.
