БИШКЕК, 6-окт. — Sputnik. Кабулдун борборундагы жардырууда төрт адам жаракат алды деп билдирди Khaama Press агентиги.
Окуя Афган парламенти жана Россиянын элчилиги жайгашкан райондогу Дар уль-Аман сарайында болгон. Алдын ала маалыматтарга караганда, жан кечти Афганистандын президентинин кеңешчилеринин бири, аймактагы уруунун башчысын жана Гельменд провинциясынын мурдагы губернаторун имараттан чыгышын акмалап турган. Россиянын Кабулдагы элчилигинен жарылуунун үнүн угушпаганын айтышты.
Маалыматка ылайык, жарылуу атышуу менен коштолгон. Бир катар имараттарда электр кубаты өчүрүлүп, эл башка жайларга көчүрүлгөн. Жардыруу үчүн жоопкерчиликти "Талибан" радикалдык кыймылы өзүнө алды.
