БИШКЕК, 3-дек. — Sputnik. Кыргыз-орус өнүктүрүү фонду ири айыл чарба долбоорун тикелей каржылоонун алгачкы этабын баштап, агрокомпанияга 2,8 миллион доллар бөлгөнүн аталган фонд билдирди.
Маалыматка ылайык, 7,2 миллион долларлык долбоор үч этап менен каржыланат. Кийинки эки этап 2016-2017-жылдары каралмакчы.
Фонддун каражаты айыл чарба жаатындагы алдыңкы технологияларды пайдаланууга, өндүрүш жабдыгын сатып алуу жана модернизациялоо, жаңы жумушчу орундарды түзүү максатында пайдаланылат.
Акча бөлүнгөн агрокомпания 2003-жылы түзүлүп, 2011-жылдан тарта өз активдерин туруктуу жогорулатып, өндүрүштү жогорулатып, Кыргызстандагы атаандаштыкты күчөтүп келет. Буга чейин айыл чарба тармагынын бир катар багыттарын өздөштүргөн.
