БИШКЕК, 20-дек. — Sputnik. Бомба тууралуу маалымат төгүндөлүп, "Манас" аэропортунун иши калыбына келгенин мекеменин нөөмөттүк жетекчиси Расул Мамашев билдирди.
Буга чейин күбөлөр бомба коюлганы тууралуу айтылгандан кийин аэропорттогу адамдардын баары эвакуацияланганы айтылган.
Мамашевдин айтымында, такси кызматынын бирине "Аэропортко бомба коюлду. Баарыңар качкыла!" деген билдирүү келген.
Мындан кийин саперлор, укук коргоо органдары жана авиациялык коопсуздук кызматкерлери иштей баштаган. Жардыруучу зат табылбагандан кийин аэропорттун иши калыбына келди. Каттамдарга каттоо иши жүрүп жатканын мекеменин өкүлү белгиледи.
Учурда "Манас" аэропортунун президенти башында турган ыкчам штаб түзүлдү.
