БИШКЕК, 30-дек. — Sputnik. Жалган ишкерлик кылгандар кымбат "Hennessy" арагын жасап жатып кармалганын Экономикалык кылмыштуулукка каршы күрөшүү кызматы билдирди.
Маалыматка ылайык, аталган бренд менен 0,5 литр көлөмүндөгү арактар сатылып жаткан. Коньяк чыгарган "Henessy" үйү билдиргендей, алар спирт ичимдиктерин 0,7 жана 1 литр көлөмүндө гана чыгарышат.
Учурда кармалган спирт ичимдиктерине карата экспертиза дайындалды. Аталган ичимдиктер кайдан кармалганы боюнча так маалымат жок. Бул факты боюнча Кылмыш жаза кодексинин 180-беренеси боюнча жалган ишкердик менен кылмыш иши козголду.
