БИШКЕК, 24-фев. — Sputnik. Бишкектин Октябрь районунун балдары "Муз жарышы" аттуу иш-чарага катышканын мэрия билдирди.
Октябрь районунун администрациясы тарабынан аз камсыз үй-бүлөдөн чыккан балдар үчүн уюштурулган сынак шаардык муз аянтчасында өттү.
Иш-чарага 200гө чукул бала чакырылган, алардын арасында биринчи жолу коньки кийип жаткандары да бар экени айтылууда.
Конкурстардын жеңүүчүлөрү баалуу байгелерге ээ болушту. Чакырылгандардын баары эки саат бою акысыз коньки тээп, чер жазышты.
Иш-чара толугу менен Октябрь райадминистрациясы тарабынан каржыланды.
