БИШКЕК, 6-мар. — Sputnik. Мадриддик "Реал" өз үйүндө "Сельта" командасын кабыл алып, беттеш 7:1 эсебинде аяктады.
Оюн футбол боюнча Испания биринчилигинин алкагында "Сантьяго Бернабеу" стадионунунда өттү.
Беттештин биринчи бөлүгүндө мадриддиктердин коргоочусу Пепе бурчтан чыгарылган топту баш менен дарбазага киргизүүгө үлгүрдү.
Мындан сырткары "Реал Мадриддин" жарым коргоочу Хесе Родригес менен оң тараптагы чабуулчусу Гарет Бэйл бирден гол жаратып, эсеп тактасын өзгөртүштү.
"Сельта" командасы мадриддиктердин жети жолку ийгилик жараткан чабуулуна бир гол менен жооп узатты. Алардын чабуулчусу Яго Аспаса дарбазачы менен жекеме жеке чыгып, гол жаратты.
"Сельта" 2015-жылдын сентябрь айында өз үйүндө "Реалдын" түбөлүктүү атандаашы делинген каталондук "Барселонаны" 4:1 эсебинде утуп алган.
Өткөн аптада "Барса" клубу "Сельта" командасын үйүндо кабыл алып, 6:1 эсебинде өчүн алганга үлгүргөн.
