БИШКЕК, 7-мар. — Sputnik. Кыргызстандын "Азия Mix" командасы 11-март күнү Москвада өтө турган КВНдин Жогору лигасынын чейрек финалында ат салыша турганы команданын Facebook баракчасында жарыяланган. https://www.facebook.com/KvnAsiamix/?fref=ts.
Быйылкы сезондо 20 команда күч сынашат. кыргызстандыктар менен бирге төрт — "Физтех " (Долгопрудный шаары), ГУУ жана МИСиС университеттеринин курама командасы (Москва), "Уфа" (Башкыртстан) жана АГПУ курамасы "Русская дорога" (Армавир) командалары ойнойт.
Баракчада муну менен бирге "Азия Mix" командасынын күйөрмандар тизмесин түзүү жүрүп жатканы айтылууда.
Былтыркы жылдын октябрь айында "Азия MIX" Белгороддон келген Детективное агентство "Лунный свет", астаналык "Спарта", ярославдык "Радио Свобода" жана москвалык "Горизонт" командаларынан утулуп, оюндун финалына чыга албай калган.
Ал эми июль айында "Азия MIX" биринчи жолу "Голосящий КиВиН — 2015" музыкалык фестивалында байгеге ээ болго.
