БИШКЕК, 21-мар. — Sputnik. "Сары-Өзөн" командасы көк бөрү боюнча турнирдин жеңүүчүсү болду.
Чүйдүн "Сары-Өзөн" командасы менен Оштун "Достугунун" ортосундагы финалдык оюн дүйшөмбү күнү "Ак кула" ипподромунда өттү. Негизи турнир 15-мартта башталган.
Башкы беттеште Чүйдүн командасы күчтүү экенин далилдеп, мелдешти 11:5 эсеби менен утуп алды.
Көк бөрү — байыртан келе жаткан улуттук оюн болуп саналат. Эки жаатка төрттөн болуп бөлүнгөн эки команда улакты бири-биринин казанына салуу үчүн далалат кылат. Оюн ар бир таймы 20 мүнөттөн созулган эки бөлүктөн турат.
