БИШКЕК, 22-апр. — Sputnik. Эл аралык "Левитандай сүйлөйбүз" аттуу радиосынактын уюштуруу комитети кыска тизмени ачыктап, ага кыргыз-түрк "Манас" университетинин бүтүрүүчүсү Урмат Борченов да кирген.
Sputnik радиоберүүсүнүн жетекчиси Алексей Орлов башында турган эксперттик топ тандап алган эмгектер Ria.ru. сайтына жайгаштырылган. Бардыгы болуп сынакка катышуу үчүн 109 иш түшүп, анын ичинде Россия, Белоруссия, Украина, Кыргызстан, Молдова, Казакстан жана Армения бар.
Мындан ары калыстар тобу иштеп, лауреаттарды 5-май күнү жарыялайт. Сынак "Совинформбюронун" 75 жылдыгына арналган иш-чаранын алкагында өтүп жатат.
"Биз бир топ күчтүү эмгектерди угуп, андан 10ду тандап алдык. Көбү Левитанды тууроого аракет кылыптыр, бирок өзгөчөлөнүүнү да каалагандар бар экен. Таасирлүү эмгектер тандалып, тизмеге кирди", — дейт Орлор.
Сынактын кыска тизмеси:
Бакал Ромео Владимирович, Тирасполь;
Борченов Урмат Бейшенкулович, Бишкек;
Бухарбаев Мухамедали Болатулы, Астана;
Крапиневич Александр Иванович, Минск;
Килессо Сергей Михайлович, Минск;
Петров Алексей Александрович, Сочи;
Подолян Алексей Константинович, Севастополь;
Прохоров Евгений Вадимович, Арзамас;
Стрельцов Евгений Александрович, Москва;
Судев Сергей Владимирович, Комрат.
