БИШКЕК, 26-апр. — Sputnik. Улуттук энергохолдинг компаниясынын башкы максаттарынын бири — дебитордук карыздарды азайтуу. Бул тууралуу аталган компаниянын жетекчиси Айбек Калиев өкмөт башчы Сооронбай Жээнбеков менен жолугууда билдирди.
Премьер-министр дүйшөмбү күнү аталган мекеменин жетекчиси Калиевди кабыл алган.
"Өкмөт башчы энергохолдинг компаниясынын жасап жаткан иштери тууралуу, андагы коррупциялык схемаларды жоюу, карыздарды азайтуу боюнча кеңири маалымат алды", — деп айтылат билдирүүдө.
Премьер-министр Улуттук энергохолдинг компаниясынын жетекчисине энергетикалык долбоорлорду ишке ашырууну тездетүү жана калкты үзгүлтүксүз электр энергиясы менен камсыздоо зарылдыгын баса белгиледи.
