БИШКЕК, 8-июн. — Sputnik. Алты жаштагы кызга бузукулук аракеттерди жасады деп шектелип 65 жаштагы киши кармалганын ИИМдин маалымат кызматы билдирди.
Маалыматка ылайык, 4-июнда кечки саат сегиздер чамасында Аламүдүн районундагы жаңы конуштардын биринде 2010-жылы туулган кызга бейтааныш киши бузукулук аракеттерди жасап, кыздын денесин көгала кылган. Жеткинчек №3 балдардын ооруканасына жактырылган.
Ыкчам-иликтөө иш чаралары учурунда шектүү катары 1951-жылы туулган Баткен облусунун тургуну кармалып, Бишкек шаарындагы убактылуу кармоо жайына киргизилген. Ал Ак-Бата жаңы конушундагы туугандарыныкында убактылуу жашап жүргөн.
7-июнда Ак-Бата жаңы конушунун 60-70тей тургуну чогулуп, шектүү кишинин туугандарын бул жактан көчүп кетүүсүн талап кылышкан. Окуя болгон жерге милиция жөнөтүлгөн. Түшүндүрүү иштеринен кийин чогулгандар кечки саат 23.30дар чамасында тарап кетишкен. Абалга укук коргоо органдарынын өкүлдөрү көзөмөл кылууда.
