БИШКЕК, 18-июл. — Sputnik. Кыргызстан менен Кытайдын чек арасында күчү 4 баллга жеткен жер титирөө катталды. Бул тууралуу Sputnik Кыргызстан агенттигине Сейсмология институтунан билдирди.
Маалыматка ылайык, жер силкинүү дүйшөмбүдө таңкы саат 06:12де катталган.
Эпицентр Каракол калаасынан түштүк-чыгышты көздөй 130 чакырым аралыкта жайгашып, аталган шаарда 2 баллга жеткен.
Алдын ала алынган маалыматтар боюнча кыйроолор жана адам өмүрүнө зыян келген эмес.
