БИШКЕК, 23-июл. — Sputnik. Россиядагы букмекердик контора кыргызстандык боксчу Эркин Адылбек уулунун Жайкы Олимпиадалык оюндарда алтын медаль жеңүүгө болгон мүмкүнчүлүгүн баалады.
Олимпиада Рио-де-Жанейродо шаарында (Бразилия) 5-21-август аралыгында өткөрүлөт. Кыргызстандык спортчулар 19 олимпиадалык лицензияга ээ болушкан. Делегация 47 адамдан турат.
Бир гана жалгыз спортчу Эркин Адылбек уулун алтын медалга баалашкан. 81 киллограммдык категорияда Адылбек уулу менен бирге дагы 25 боксчу жеңиш үчүн беттешет.
Олимпиадада жеңишке жетет деп көпчүлүктү үмүттөндүргөн спортчу дүйнөнүн үч жолку чемпиону кубалык Хулио Сесар ла Крус болуп эсептелет. Андан кийинки орунда ирландиялык Жозеф Уорд турат. Ал Европанын эки жолку чемпиону болуп, дүйнө чемпиондугунда бир нече жолу байгелүү орундарды ээлеген. Анын мүмкүнчүлүктөрү да чоң экени айтылууда.
Букмекерлердин пикири боюнча Адылбек уулунун жеңишке болгон мүмкүнчүлүгү жүздөн бирге барабар.
